یا نبیﷺ یا نبیﷺ یا نبیﷺ
آپ شاہِ اُمم آپ خیر الوریٰ
آپ سرتاج پیغمبرانِ خُدا
آپ کی دونوں عالم میں جلوہ گری
یا نبیﷺ یا نبیﷺ یا نبیﷺ
آپ خلّاقِ عالم کے ہیں ترجمان
آپ عرشِ الہٰی کے ہیں رازدان
آپ غارِ حرا کی حسین روشنی
یا نبیﷺ یا نبیﷺ یا نبیﷺ
خاتمُ المرُسلینِ جہاں آپ ہیں
باعثِ عظمتِ کُن فکان آپ ہیں
فرش سے عرش تک برتری آپ کی
یا نبیﷺ یا نبیﷺ یا نبیﷺ
آپ قرآن لائے حبیب ِخدا
ہے لقب آپ کا خاتمُ الانبیاء
آپ سے اہلِ حق کو ملی آگہی
یا نبیﷺ یا نبیﷺ یا نبیﷺ
آرزو پر کَرم ہو شہ ہاشمی
وقف رنج و الم جسکی ہے زندگی
بخش دو اِسکو دیدار کی روشنی
یا نبیﷺ یا نبیﷺ یا نبیﷺ
0 Comments