Aa ke sajjada nasheen qais آ کے سجادہ نشیں قیس

 

آ کے سجادہ نشیں قیس ہوا میرے بعد آ کے سجّادہ نشیں قیس ہوا میرے بعد                   نہ رہی دشت میں خالی کوئی جا میرے بعد  چاک کرنا ہے اسی غم سے گریبانِ کفن کون کھولے گا تیرے بند قبا میرے بعد  وہ ہوا خواہ چمن ہوں کہ چمن میں ہر صبح پہلے میں جاتا تھا اور بادِ صبا میرے بعد  تیز رکھنا سرِ ہر خار کو اے دشتِ جنوں شاید آجائے کوئی آبلہ پا میرے بعد  منہ پہ رکھ دامنِ گل روئیں گے مرغانِ چمن ہر روش خاک اُڑائے گی صبا میرے بعد  بعد مرنے کے میری قبر پہ آیا وہ میرؔ یاد آئی میرے عیسیٰ کو دوا میرے بعد